Home » Sen categorizar

Category Archives: Sen categorizar

Premio Nóbel de literatura

20151014NobelLiteraturaRecorteEstreámonos co premio Nóbel de literatura que este ano lle foi concedido á escritora bielorrusa nada en Ucraína Svetlana Alexiévich de 67 anos de idade, entre outras razóns “polos seus escritos polifónicos que son un monumento ao sufrimento e á carraxe no noso tempo”.

É unha xornalista e escritora en lingua rusa que retratou e retrata a realidade e os dramas da poboación que conformaba a antiga URSS (A guerra trala invasión soviética de Afganistán, a catástrofe nuclear de Chernóbil, …). É moi crítica co actual goberno bielorruso. 

O seu único libro traducido ao castelán até o momento é Voces de Chernóbil que en 2006 editou Siglo XXI e reeditado en xaneiro por Debate. Agárdanse inminentes edicións de obras como A fin do homo sovieticus, a última escrita até o momento, e máis A guerra non ten nome de muller, que foi coa que se deu a coñecer en 1983.

Rexurdimos!

 

concurso_logo-1 - copiaOla, moi feliz outono a todos os que vides pescudar un ano máis a A hucha do Ucha, blog da biblioteca do noso centro.

Tralo parón estival e unha vez superados unha serie de atrancos técnicos, reavivamos de novo este espazo agradecendo a axuda dos compañeiros que dun xeito ou outro, colaboraron para poder sacalo adiante. De entre todos eles quero citar expresamente a Roberto Romero ao que recorro perante calquera problema, e aos meus antecesores Pedro Picallo e Andrés del Río a quen envío un agarimoso saúdo. Só agardo poder estar á súa altura.

Premio Princesa de Asturias das Letras

Padura

O escritor cubano Leonardo Padura foi galardoado co premio Princesa de Asturias das Letras 2015, segundo anunciou o xurado reunido en Oviedo, que destacou que a súa obra constitúe «unha soberbia aventura do diálogo e a liberdade».

A vasta obra do cubano percorre todos os xéneros da prosa amosando o interese por escoitar as voces populares e as historias perdidas dos outros.

Padura traballou como guionista, xornalista e crítico, até lograr o recoñecemento internacional coa serie de novelas policíacas protagonizadas polo detective Mario Conde. Grazas a libros como «Pasado perfecto», «Vientos de cuaresma», «Máscaras», «Paisaje de otoño», «Adiós, Hemingway», «La neblina del ayer» ou «La cola de la serpiente» o escritor cubano logrou o premio Café Gijón en 1995 e o Hammett en tres ocasións (1997, 1998 e 2005).

Tamén escribiu «La novela de mi vida» e «El hombre que amaba a los perros», unha reconstrución das vidas de Trotsky e Ramón Mercader. «Herejes», unha absorbente novela sobre un cadro de Rembrandt e unha saga xudía que chega aos nosos días, situoulle no mapa como un dos narradores máis ambiciosos e internacionais en lingua española, condición que veu a confirmarse con este galardón.

 

Ciclo de lectura sobre tres grandes clásicos: Castelao, Otero e Blanco Amor

medulio

IX CONCURSO LITERARIO INTERNACIONAL “ÁNGEL GANIVET”

ganivet

A Asociación de Países Amigos (A.P.A.), con sede en Helsinki, convoca o IX Concurso Literario Internacional “Angel Ganivet“, que contempla modalidades de conto e poesía.
O Concurso propón os seus xéneros con carácter bianual, correspondendo a convocatoria desta IX Edición ao xénero de poesía.

  • Xénero: Poesía
  • Premio: cincocentos euros e diploma
  • Aberto a: maiores de idade
  • Entidade convocante: Asociación de Países Amigos (A.P.A.)
  • País da entidade convocante: Finlandia
  • Data de peche: 1 de Agosto de 2015

Poden participar todas as persoas maiores de idade (é dicir que cumprisen os 18 anos) que o desexen, calquera que sexa a súa nacionalidade, sempre que presenten poemas (unha obra por cada concursante) en lingua española, orixinais e inéditos, non publicados en ningún tipo de formato nin total nin parcialmente (incluído Internet), non premiados ou pendentes de fallo noutros concursos, ou á espera de resposta nun proceso editorial.

As bases completas atópanse na seguinte ligazón.

Semana da poesía salvaxe

By Arca.cat, L'Atlàntida (Arca.cat, L'Atlàntida) [Public domain], via Wikimedia Commons

Na emblemática praza do cruceiro de Canido deu comezo a oitava edición da Semana da Poesía Salvaxe de Ferrol, do 22 ó 25 de abril.

Ligazón á nova en “noticiasdegalicia.com”.

Feliz día do libro!!

By Visof (Own work) [CC BY-SA 3.0 (http://creativecommons.org/licenses/by-sa/3.0)], via Wikimedia Commons

O Día do Libro é unha celebración a nivel mundial promulgado pola UNESCO co obxectivo de fomentar a lectura. Un día, o 23 de abril, que foi elixido por coincidir o falecemento de dous ilustres escritores, Miguel de Cervantes e William Shakespeare. Recentemente faleceron tamén dous grandes da literatura mundial, Eduardo Galeano e Günter Grass, que mellor día hoxe pois para lembrar algunha das súas palabras:

“Hay un único lugar donde ayer y hoy se encuentran y se reconocen y se abrazan. Ese lugar es mañana.” Eduardo Galeano

“Incluso los malos libros son libros, y por lo tanto sagrados.” Günter Grass

Ferrol acollerá a súa próxima Feira do Libro entre os días 22 e 26 do mes de abril

FeriaDelLibro

Hoxe, día 22, comeza a andar unha nova edición da Feria do Libro de Ferrol. A feria está organizada  pola Federación de Librarías de Galicia e a Consellería de Cultura, Educación e Ordenación Universitaria que organizan esta actividade polas catro provincias galegas, e estará ubicada na praza da Constitución ata o próximo Domingo día 26.

Pasamentos

Gunter_Grass
Günter Grass
Eduardo_Galeano
Eduardo Galeano

 

 

 

 

 

 

O martes 13 de abril faleceron os dous escritores, un en Uruguai e o outro en Alemaña.

Dous escritores admirados en todo o mundo deixáronnos esta semana. Como acontece con William Shakespeare e Miguel de Cervantes cada 23 de abril (que se celebra o Día do Libro porque ámboslos dous escritores faleceron ese día), o 13 de abril será lembrado porque foi o mesmo día no que faleceron o uruguaio Eduardo Germán Hughes Galeano (74 anos) e o alemán Günter Wilhelm Grass (87 anos). Aínda que ámbolos dous percorreron o mundo enteiro e son admirados e lidos en todo o planeta, os dous faleceron nos respectivos países que os viron nacer.
(máis…)

Aínda estas a tempo! Participa no noso concurso de microrrelatos!!

concursoMicrorrelatos

O Equipo de dinamización da lingua galega do CIFP Rodolfo Ucha(Edlg)convoca un concurso de microrrelatos para fomentar a expresión e a creación en lingua galega no alumnado do centro.

Os alumnos ou alumnas matriculados no centro no ano 2014-2015 que desexen participar terán que elaborar un único microrrelato en lingua galega, dunha extensión máxima de 150 palabras, que deberá integrar en calquera posición o enunciado seguinte: Non vacilo en quitar o abrigo.

(máis…)

Histórico