Home » Bibliotecas

Category Archives: Bibliotecas

Interesante servizo de préstamo de libros electrónicos

20160122E-BookDeputación

Parécenos moi interesante a iniciativa que a Deputación de A Coruña puxo en marcha para o préstamo de libros electrónicos aos usuarios das bibliotecas municipais do seu ámbito territorial e da que nos informan os nosos compañeiros da Biblioteca Municipal de Ferrol, unha das concernidas.

Deste xeito, calquera usuario da Biblioteca Municipal de Ferrol, maior de 14 anos, pode ler os libros ofertados na plataforma de préstamo de libros electrónicos http://ebook.dicoruna.es

En caso de querer acceder á devandita plataforma hai que achegar o nome, apelidos e máis conta de correo electrónico ao enderezo biblioteca@ferrol.es manifestado ademais a súa conformidade na cesión dos seus datos á Biblioteca Provincial da Deputación da Coruña.

Aquí podedes acceder ao tríptico explicativo:

E_BookDeputacCoruña_PlataformaPréstamoTrípticoInformativo

A biblioteca de todos

201511FondosBibliotecaFerrolOs nosos compañeiros da Biblioteca Municipal de Ferrol enviáronnos unha ligazón para podermos consultar as novas adquisicións que poñen ao dispor de todos aqueles usuarios que desexemos pasar un bo rato nas súas instalacións, ou fóra delas facendo uso do servizo de préstamo.

Incorporámola pois á nosa lista de ligazóns, agradecidos e enviándolles un agarimoso saúdo.

Rematando o curso, bibliotecas fermosísimas

[youtube]http://www.youtube.com/watch?v=T1LIXQjHn_g&feature=related[/youtube]

Desde A Hucha do Ucha sumámonos

A insoportable levidade das bibliotecas escolares galegas

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

A Biblioteca Anxel Casal de Santiago, pioneira en España, pon 1/2 centenar de «e-readers» a disposición dos seus usuarios

 

A súa directora, Carina Fernández Faya

A Biblioteca Pública Ánxel Casal, de Santiago, é desde onte mesmo una das poucas bibliotecas españolas, exactamente 15, que contan cun novo servizo: o préstamo de dispositivos de lectura de libros en formato electrónico. A súa directora, Carina Fernández Faya, presentou esta nova prestación que ofrecerá a Ánxel Casal para, segundo explicou, «facer accesible a información e a cultura a todos vos seus usuarios», obxectivo de toda biblioteca pública. Os lectores da Ánxel Casal, por tanto, xa teñen á súa disposición 48 destes aparellos: 20 para levar ao seu domicilio, 8 para consulta na sala e outros 20 para os integrantes dos seus clubs de lectura.

Por medio de “la Voz de Galicia”

Unha visión lúdica dunha biblioteca universitaria…animádesvos?

[youtube]http://www.youtube.com/watch?v=HZPKW67DxRg&feature=player_embedded[/youtube]

Ollo a aqueles de vós que…

De terras salmantinas a nosa preferida bibliotecaria, Fátima , tróuxonos este precioso cartel que figurará no lintel de entrada á "Hucha do Ucha" como seria advertencia...

Marabillosas e luminosas bibliotecas polo mundo adiante

De paseo pola Biblioteca Nacional de España

[youtube]http://www.youtube.com/watch?v=uRlM1ci2iZg[/youtube]

Aquí tedes un vídeo desta indispensable institutición cultural. Aínda que breve, amósanos algúns dos seus departamentos máis descoñecidos.

Histórico